«2014 жылдың үздік мұғалімі»

Подробности

Категория: Әдістемелік бөлімі

Жарияланды: 02.10.2014 16:49

«2014 жылдың үздік мұғалімі»

2014 жылдың 2 қазаны күні Астана қаласының Тәуелсіздік сарайында «2014 жылдың үздік мұғалімі» сайысының марапаттау салтанаты өтті. Ұстаздар күніне орай ұйымдастырылған мерекелік іс-шараны ҚР Білім және ғылым министрі Сәрінжіпов Аслан Бәкенұлы ашты.

Өз сөзінде ұстаздардың мәртебесін көтеру қазіргі қоғамның басты мақсаты дегенді ерекше атап өтті. Соңынан Республика бойынша үздік атанған 48 ұстазды марапаттады. Жыл бойы сынға түсіп, қажырлы еңбегінің шын бағасын алған мұғалімдердің арасында төрт павлодарлық бар: Павлодар қаласы, №39 ЖОББМ география мұғалімі - Жұмабаева Асия Камалиденовна; Павлодар қаласы дарынды балаларға арналған №3 гимназияның қазақ тілі мен әдебиеті мұғалімі - Темирбаева Динара Дюсенбиевна; Ақсу қаласы дарынды балаларға арналған арнайы гимназияның математика мен физика пәні мұғалімі - Кабылбекова Алмагуль Серикбаевна және Б.Ахметов атындағы Павлодар педагогикалық колледжінің ағылшын тілі пәнінің оқытушысы - Ахметова Гульмира Кабатаевна.

«2014 жылдың үздік мұғалімі»

Жеңімпаздарға «2014 жылдың үздік педагогі» төс белгісі мен 1 млн. 852 мың теңге мөлшерінде сыйақы берілді. Сонымен қатар көп жылдарын ұстаздыққа арнаған жандар да ескерусіз қалмады. Біздің облысымыздан Култуманов Толеген Тусупович Еңбек ардагері медалімен марапатталды. Салтанатты жиын соңы мерекелік концертке ұласты.