VII Облыстық «Адал Ұрпақ» ерікті мектеп клубтарының слеті

Подробности

Категория: Әдістемелік бөлімі

Жарияланды: 30.11.-0001 05:00

VlI областной слет добровольных школьных клубов «Адал Ұрпақ»

VlI областной слет добровольных школьных клубов «Адал Ұрпақ»

Жас ұрпақты антикоррупциялық тәрбиелеу мақсатында М.М. Катаев атындағы мектеп Оқушылар сарайында облыстық «Адал Ұрпақ» ерікті мектеп клубтарының слеті өтті. Бұл шара Павлодар облысы білім басқармасының, М.М. Катаев атындағы мектеп оқушылар сарайының және «Жас Ұлан» Біріңғай балалар мен жастар ұйымының бастамасымен өткізілді. Слетке қалалық және аудандық конкурстардың жеңімпаздары 15 ерікті «Адал Ұрпақ» мектеп клубтары қатысты.

Шара екі кезеңнен тұрды. Бірінші бөлімі «Жемқорлыққа қарсы – болашақ ұрпақ» тақырыбында агитациялық бригадалар конкурсы мен 2023-2024 оқу жылында өткізілген іс-шаралар туралы есеп презентациясынан құралды. Конкурсқа қатысу қатысушылардың шығармашылық әлеуетін ашуға, белсенді азаматтық қоғамның ажырамас бөлігі ретінде өзін сезінуге мүмкіндік берді.
Қазылар алқасының құрамында: Жапалбай Темірлан Мейрамбекұлы – Павлодар облысының ТЖД азаматтық қорғау басқармасының офицері, Қабдраш Жандарбек Мухаметұлы – Павлодар облысының ақпарат және қоғамдық даму басқармасының «Жастар бастамаларын дамыту орталығы» бөлімінің жетекшісі болды. Қазылар алқасының төрағасы – Жанғазы Еркеғали Жұмабайұлы – облыстық Қоғамдық кеңес мүшесі.
Слеттің екінші бөлігінде «Біз жемқорлық туралы не білеміз?» тақырыбында брифинг өтті. Брифингке мектеп оқушылар сарайының әдіскері Айжан Оразбаева қатысып, жемқорлық қоғам үшін өзекті мәселе екенін, оның салдарының мемлекетіміздің әлеуметтік дамуына кедергі келтіретінін атап өтті. Қатысушылар брифингте сұрақтар қойып, толыққанды жауаптар алды.
Қазылар алқасының шешімі бойынша:
Гран-при «Адалдық альянсы» командасы Аққулы ауданы Уахатов атындағы мектептен;
I дәрежелі диплом «Ұлт жүрегі» командасына Баянауыл ауданынан;
II дәрежелі диплом «Әділет» командасына Май ауданына;
III дәрежелі диплом «Табысты ұрпақ» командасына Ақтоғай ауданынан берілді.
Барлық жеңімпаздар дипломдармен және бағалы сыйлықтармен марапатталды.