Махмет Қайырбаев туралы кітаптың тұсаукесері

Подробности

Категория: Әдістемелік бөлімі

Жарияланды: 30.11.-0001 05:00

Презентация книги о Махмете Каирбаеве

Презентация книги о Махмете Каирбаеве

2024 жылдың 8 қазан күні С.Торайғыров атындағы облыстық кітапханада Мұрат Қайырбаевтың Мәскеуде жарық көрген, «Жизнь замечательных людей» әйгілі сериясы аясында «Махмет Кайырбаев» кітабының тұсаукесері болып өтті.

Кітаптың тұсаукесеріне Павлодар облысы әкімінің орынбасары Айгүл Маликова, Қазақстан Республикасы Жазушылар Одағының мүшесі Юрий Поминов, ҚМДБ-ның Павлодар облысы бойынша өкіл имамы Жолдас Қоспақұлы Бертымұратов, Облыстық ардагерлер кеңесінің төрағасы Рымтай Шөкеев, Павлодар облысының Құрметті азаматы Евгений Азаров және т.б. қатысты.
Кітапты батырдың ұлы жазған. Мұрат Қайырбаев әкесі туралы әңгімені бүкіл ел тарихының аясында құрастырады, М.Қайырбаевтың өмірбаянындағы бұрын белгісіз болған фактілерді мұрағат материалдарын пайдалана отырып, оларға құқықтық тұрғыдан баға береді. Шараға М.Қайырбаев туралы деректі фильм және «Қазақтың қайсар ұлы» атты кітап көрмесі дайындалды. «Махмету Каирбаеву – Герою Советского Союза – 100 лет» мерейтойлық медалімен батырдың қарулас жолдастары, сондай-ақ авторға кітаппен жұмыс істеуге көмектескендер марапатталды.  
Іс-шараның ерекше рәсімінде  М.М. Катаев атындағы Оқушылар сарайының басшысы Ерубаева Алма Жұмабайқызы мен әдіскер Аралбаева Бақыт Сағынтайқызына білім беру мен жас ұрпақты тәрбиелеуге қосқан зор үлестері үшін құрметті төсбелгілердің табысталды. Бұл педагогтар мәдени дәстүрлерді сақтай отырып, жаңа буынға білім беруді жалғастырып келеді.
Көп жылдардан бері кітаптың 1500-ден астам саны жарық көрді. Олардың көпшілігі Қазақстанның көрнекті қайраткерлеріне арналды. Серияның кейіпкерлері Абай Құнанбаев, Шоқан Уәлиханов, Кенесары Қасымов, Қаныш Сәтбаев, Мұхтар Әуезов, Шәкәрім Құдайбердиев, Ермұхан Бекмаханов, Евней Бөкетов және басқа да Қазақстан тарихының, ғылымы мен мәдениетінің көрнекті қайраткерлері болды. Енді міне, бұл тізім жерлесіміз, Кеңес Одағының Батыры, көрнекті мемлекет қайраткері Махмет Қайырбаевтың есімімен толықты.