«Баянауыл тауларының аңыздары» онлайн экскурсиясы

Подробности

Категория: Әдістемелік бөлімі

Жарияланды: 30.11.-0001 05:00

Онлайн экскурсия «Легенды Баянаульских гор»

Онлайн экскурсия «Легенды Баянаульских гор»

2021 жылдың қазан айында М. Катаев атындағы Оқушылар  сарайы және  «Bilim Life» жастар YouTube каналы  «Рухани жаңғыру» бағдарламасы аясында Павлодар қаласының оқушылары үшін киелі «Баянауыл тауларының аңыздары» атты онлайн-экскурсия ұйымдастырды.

Баянауыл – сан ғасырлық тарихы бар, мыңжылдықтар бойы қалыптасқан ғажайып табиғаттың сырлары тұнған өлке. Сарыарқаның солтүстік-шығысында орналасқан Баянауыл тауларының табиғаты өте көрікті.
Оқушылар экскурсияны тамашалай отырып, Баянауылдың «Ақбеттау», «Найзатас», «Жұмбақтас», «Сәкен шыңы», «Жеті ағайын», «Көгершін», «Кемпіртас» таулары және «Қоңыр әулие» үңгірі туралы аңыз-әңгімелерді тамашалайды. Онлайн-экскурсияға еліміздің атақты өлкетанушысы Алтынбек Құрманов, С.Торайғыров атындағы меомориалдық мұражайының басшысы Меңсұлу Нұрбаева, Шакен Айманов атындағы мектеп-интернатының тарих және география мұғалімі Ержан Рахимтаев, Ертіс-Кереку елінің жас ақыны Бәкіжан Кәкім қатысты. Оқушылар сарайының «Қаламгер» студиясының жас тілшілері Бақтияр Даниялов, Елдана Ержан, Аңсар Айдарбеков онлайн-экскурсияның жүргізушілері болды.
- Киелі Баянауыл жерінің сайы мен қыры, тауы мен тасы, терең тарихтан сыр шертеді. Осындай тамаша табиғаттың сырын, оның аңыз-әңгімелерін жас ұрпақ білу тиіс. Павлодар облысының оқушыларына арналған бұл біздің екінші экскурсиямыз. Біріншісі «Баянауылдың рухани мұрасы» деп аталған еді. Бұл жерде біз Баянауыл ауданының мұражайлары туралы айтқан болатынбыз, - деді Оқушылар сарайының әдіскері, жобаның авторы Әсем Аипова.

https://youtu.be/1msEZH_5yaQ