«Қаламгер» студиясының тілшілері Қасым Аманжоловтың 110-жылдығын атап өтті

Подробности

Категория: Әдістемелік бөлімі

Жарияланды: 30.11.-0001 05:00

«Қаламгер» студиясының тілшілері Қасым Аманжоловтың 110-жылдығын атап өтті	«Қаламгер» студиясының тілшілері Қасым Аманжоловтың 110-жылдығын атап өтті
«Қаламгер» студиясының тілшілері Қасым Аманжоловтың 110-жылдығын атап өтті	«Қаламгер» студиясының тілшілері Қасым Аманжоловтың 110-жылдығын атап өтті
«Қаламгер» студиясының тілшілері Қасым Аманжоловтың 110-жылдығын атап өтті

2021 жылдың 10 қазан күні талантты ақын, аудармашы, драматург, композитор Қасым Аманжоловтың 110-жылдық мерейтойы аталып өтіледі.

2021 жылдың 22 қыркүйек күні Оқушылар сарайында ақынның 110-жылдығына арналған «Өмірін өрген өлеңмен» атты поэзия кеші өтті. Іс-шараны ұйымдастырған «Қаламгер» баспасөз-орталығының тілшілері және олардың жетекшілері Әсем Аипова.
Жаңа оқу жылында аталмыш іс-шара аралас форматта өткен болатын. Жас тілшілер поэзия кешін өздері өткізсе, Баянауыл, Аққулы аудандарының және Павлодар қаласының № 2, 22, 25, 37 ЖОББМ және Ыбырай Алтынсарин атындағы дарынды балаларға арналған гимназиясының оқушылары ZOOM платформасына байланысқа шықты.
Поэзия кешінің құрметті қонақтары Қазақстан Журналистер одағының мүшесі, «Найзатас» журналының жауапты хатшысы, павлодарлық жас ақын Айбек Оралхан және Сүлеймен Баязитов атындағы балалар оқу орталығының кітапханашысы Әсем Асқарова болды.
Іс-шара Қасым Аманжоловтың өмірі жайлы деректі фильмнен басталды. Балалар бейнефильмнен ақынның өмірі және балалық шағынан қызықты фактілерді білді.
Айбек Оралханның танымдық әңгімесінен оқушылар Қасым Аманжолов жайлы қызықты деректерге қанық болды. Сонымен қатар Айбек ақынның өлеңдерін оқып берді.
Балалар оқу орталығының кітапханашысы Әсем Асқарова Қасым Аманжоловқа арналған кітап көрмесіне тоқталып, оқушыларды кітапханаға шақырды.
Кеш соныңда «Қаламгер» тілшілері ақынның өлеңдерін жатқа айтты. «Қаламгер» тілшісі Азиза Исламбек «Әлди, әлди әлпешім» өленің оқыды.
Камила Бейсембай «Алатау», Фариза Иманғали мен Алтынгуль Сабыр «Туған жер», Даяна Куламбаева «Сәбитке» өлеңдерін мәнерлеп оқыды.
- Қасым Аманжолов туған халқына асыл мұра, туған әдебиетіне - жарқын да шабытты поэзия қалдырды, - деді Айбек Оралхан.
- Қасым Аманжолов талантты ақын, өз шығармашылығымен қазақ әдебиетінің дамуына үлкен үлес қосқан нағыз сөз шебері. Біз балаларды ақынның шығармашылық мұрасымен таныстыруымыз керек, - деді іс-шара
ұйымдастырушысы Әсем Аипова.
Қасым Аманжолов 1911 жылы Қарағанды облысы, Қарқаралы ауданында туған, ата-анасынан ерте айырылған, интернатта тәрбиеленген. 1927-1930 жылдары ветеринарлық техникумда оқып, 1932 жылдан республикалық «Лениншіл жас» жастар газетінің редакциясында жұмыс істейді. Қасым Аманжолов - Ұлы Отан соғысының басынан 1946 жылға дейін фашист басқыншыларына қарсы күрескен майдангер. Демобилизациядан кейін біраз уақыт «Әдебиет және өнер» журналының поэзия бөлімін басқарды.
Оның әдеби қызметі 1931 жылдан басталды. Қасым Аманжоловтың өлеңдерінде туған жерге, табиғатқа деген сүйіспеншілікті анық байқауға болады. Өзінің таланты, тамаша ақындық қабілетінің арқасында ол Қазақстанның сүйікті ұлы мен мақтанышына айналды. Көрнекті ақын, аудармашы, журналист, майдангер, адал жар, сүйікті әкесі, - осының бәрі Қасым Аманжоловқа арналады.
Қазақстандықтар Қасымды мақтан тұтады, өйткені оның шығармашылық мұрасы шетелде де жақсы таныс, ал әдеби туындылар біздің замандастарымызды әлі де қуантып келеді. Шығармашылық қызметінің жемісі - өлеңдер жинағы: «Өмірді мойындау», «Желтоқсан», «Әдемі бала», «Өлеңдер» «Жарқын әлем», «Таңдамалы», өлеңдер: «Жұмбақ қыз», « Ақын өлімі туралы аңыз »,« Біздің дастан» және басқа да шығармалар.