«Асыл мұра» жобасы ұлттық нышан белгісімен аяқталды

Подробности

Категория: Әдістемелік бөлімі

Жарияланды: 28.11.2016 11:19

С национальным колоритом завершился проект «Асыл мұра»

С национальным колоритом завершился проект «Асыл мұра»

25-ші қарашада М.М.Катаев атындағы Оқушылар сарайында Қазақстан Республикасының 25-жылдығына арналған «Асыл мұра» балалар шығармашылығы жобасының финалдық кезеңі өткізілді.

Аталмыш фестиваль-конкурста Павлодар қаласының №№14,22,42 мектептерінің және Успен ауданы, Константиновка ауылы, Константиновская ЖОМ-нің командалары бақтарын сынады. Қатысушы командалар «Білгірлер бәйгесі» жарысында сайысқа түсіп, Қазақстан халқының ұлттық ойындарын танып, «25 жылдан соң менің Қазақстаным» атты турнирінде болашақ елдің тағдырын сипаттады. Бұл сайыстың қазылар алқасы Білім беру және тәрбиені дамыту инновациялық орталығы және өлкетану мұражайының мамандары, ПМПИ-нің, ПМУ-нің, М.М.Катаев атындағы Оқушылар сарайының оқытушылары жоба жеңімпаздарын анықтады. Бас жүлдені Павлодар қаласының №14 ЖОМ-нің «Жас Барыс» командасы жеңіп алды. Команда жетекшілері – қазақ тілі пәнінің мұғалімі Әсемгүл Нуртазина және бастауыш сынып мұғалімі Юлия Александрова.

Успен ауданы, Константиновская ЖОМ-нің «Новое поколение» командасына 1-ші орын тағайындалды. Жеңімпаздарды сайысқа дайындаған аға тәлімгер Татьяна Кутышенко еді. Павлодар қаласы М.Әуезов атындағы №42 ЖОМ-нің «Адал ұрпақ» командасына 2-ші орын бұйырды. Павлодарлық жеңімпаздарды - математика және информатика пәнінің мұғалімі Замира Эргашова даярлады. Б.Момышұлы атындағы №22 ЖОМ-нің «Қыран» командасы 3-ші орынға иеленді. Бұл жеңіске оларды аға тәлімгер Ақсұлу Назарова бейімдеді.

Жеңімпаздарды салтанатты түрде марапаттау 2016 жылы 7-ші желтоқсанда сағат 14.30-да М.М.Катаев атындағы Оқушылар сарайында «Тәуелсіздікке 25 қадам» атты гала-фестивалінде өтеді.