Мы в соцсетяхАнтикоррупционная службаДворец школьниковОблако теговСамые читаемыеНаши посещения14170549
Сегодня Вчера На этой неделе На прошлой неделе В этом месяце За прошлый месяц За все дни 2149 3330 44667 13886214 2149 302882 14170549 Ваш IP: 3.149.247.101
Время: 2024-09-01 06:25:44
|
«Әдістемелік жұмыста инновациялық формалар мен әдістерді пайдалану – кәсіби құзыреттілікті арттырудың басты факторы ретінде»
27 қараша күні М.М.Катаев атындағы облыстық Оқушылар сарайы негізінде «Әдістемелік жұмыста инновациялық формалар мен әдістерді пайдалану – кәсіби құзыреттілікті арттырудың басты факторы ретінде» тақырыбы бойынша директорлар, директор орынбасарлары, әдіскерлер мен қосымша білім беру педагогтеріне арналған семинар өткізілді. Семинардың пленарлық бөлімін Оқушылар сарайы әдістемелік бөлім меңгерушісі Мельник Людмила Владимировна ашты. «Әдістемелік жұмыста инновациялық формалар мен әдістерді пайдалану – кәсіби құзыреттілікті арттырудың басты факторы ретінде» тақырыбы бойынша С.Торайғыров атындағы ПМУ, психология және педагогика кафедрасының доценті, п.ғ.к. Ксембаева Сауле Камалиденовна, «Техникалық көрмелер – техникалық шығармашылықты және балалардың конструкторлық ой-әрекетін дамытудың ажырамас бөлігі ретінде» тақырыбында С.Торайғыров атындағы ПМУ, психология және педагогика кафедрасының аға оқытушысы Тулекова Гульмира Мухамеджановна, «Сатпаев оқулары оқушылар мен олардың мұғалімдерінің шығармашылық әлеуетін жүзеге асырудың жаңа мүмкіндіктері ретінде» тақырыбында М.М.Катаев атындағы облыстық Оқушылар сарайы «Жалпытехникалық үлгілеу» үйірмесінің жетекшісі Вазиянов Евгений Владимирович баяндама жасады. Пленарлық бөлімнен соң семинар қатысушылары 2 секцияға бөлінді. І секция жұмысының барысында «Жоба жасау арқылы балалардың шығармашылық қабілеттерін дамыту» тақырыбы бойынша Балалар шығармашылығы мен бос уақытын қамту орталығы, Кенжекөл ЖОМ педагог-ұйымдастырушысы Касенова Салтанат Сансызбаевна сөз сөйледі. «Қосымша білім беру педагогтерінің кәсіби біліктіліктерін арттырудың басты факторы ретіндегі өз білімін жетілдіру жұмысының жүйесі» тақырыбы бойынша Шарбақты ауданы «Радуга» мектептен тыс жұмыс орталығының оқу-тәрбие жұмысы бойынша директор орынбасары, қосымша білім беру педагогі Омарова Айгүл Серікқызы және «Жазғы бенефис» жазғы кешенді бағдарламаның жобалық іс-әрекеті балалар мен жасөспірімдердің жазғы демалысын тиімді ұйымдастырудың әдісі ретінде» тақырыбы бойынша Шарбақты ауданы «Радуга» мектептен тыс жұмыс орталығының әдіскері Касенова Әсем Жұмабекқызы өз тәжірибесімен бөлісті. «Инновациялық жаңартулар айнасы» тақырыбында шебер-сыныбын М.М.Катаев атындағы облыстық Оқушылар сарайының педагог-психологі Ашенова Бағлан Ердымбаевна өткізді. «Связные истории! Единым фронтом за Человека Будущего» әлеуметтік-инновациялық жобасының тұсаукесерін М.М.Катаев атындағы облыстық Оқушылар сарайы, «Деды-ветераны, внуки – следопыты» мұражайының жетекшісі Асеева Людмила Ивановна жасады. ІІ секцияның жұмысы Балалар техникалық мектебінде өткізілді. Педагогтер кемеүлгілеу үйірмесінің жетекшісі Ильясов Руслан Борисовичтің «Қарапайым кеме үлгілерін дайындау технологиясы» шебер-сыныбына, авиаүлгілеу үйірмесінің жетекшісі Еременко Марк Петровичтің «Қарапайым ұшақтың үлгілерін дайындау технологиясы» шебер-сыныбына, әскери техника үйірмесінің жетекшісі Зозуля Олег Александрович «Қаңылтырды өңдеу технологиясы және осы материалдан үлгілерін жасау ерекшелігі» шебер-сыныбына қатысты. Семинар соңынан қатысушыларға сертификаттар табысталды. Семинарға барлығы – 56 адам қатысты. Павлодар қаласынан - 22, Ақсу қаласынан - 2, Екібастұз қаласынан – 2 адам. Ақтоғай ауданы - 2, Май ауданы - 2, Қашыр ауданы - 5, Ертіс ауданы - 4, Баянауыл ауданы - 2, Железин ауданы - 3, Павлодар ауданы - 3 адам, Успен ауданы – 6, Шарбақты ауданы – 3 адам. |