Біз әлеуметтік желідемізБейнежаңалықтарОқушылар сарайыОблако теговЖиі оқылатын ақпаратБіздің қатысулар14172237
Бүгін Ертең Осы жұмада Өткен жұмада Осы айда Өткен айда Барлық күндер 3837 3330 46355 13886214 3837 302882 14172237 Сіздің IP: 3.149.230.13
Уақыт: 2024-09-01 09:17:12
|
Балалық шақтың құрметті азаматы
М.М.Катаев атындағы Облыстық оқушылар сарайында жуырда ғана ашылған «Рухани жаңғыру» кабинеті туған Өлкеге деген махаббаты ояту, рухани құндылықтарды дамытып, мирас болып қалған бай мәдени мұраны сақтау орталығына айналды. Осыған орай 13 сәуір күні Оқушылар сарайының көшбасшылар форматының белсенділері бұл кабинетке жиналды.
Бұл жолы «Сарайдың 100 есімі» атты жобасы аясында балалар қозғалысының ардагері Шакиримова Вера Саттарқызымен кездесу өткізілді. Оқушылар сарайының «Көшбасшы» клубының тәрбиеленушілері бұл кездесуге жауапты болып, бар ынтасымен дайындалды. Олар Вера Саттарованың «Юность с нами навсегда» және «От пионерии до Жас Ұлана» атты кітаптарын бар ынтасымен оқып шықты. Бұл күнгі кездесу достық қарым-қатынаста өтті. Вера Саттаровна жұмыс жылдары туралы естеліктерді баяндап, оқушылар болса сауалдар қойды. Кездесудің бас кезінде жүргізушілердің айтуы бойынша Вера Саттаровна барлық өмірін балалар қозғалысына арнаған еді. Жұмыс өтілінің жеті жылын Павлодар қаласының №12 мектебінде аға тәлімгер болып, 70-жылдардың ең үздік аға тәлімгері болған. Алматы қаласында өткен Республикалық тәлімгерлер слетінің делегаты болған. Әрине, бұл кездесуге келген оқушылар Вера апайдың мамандық жолы туралы сұрақтар қойып, оның аға тәлімгер ретінде бірінші жұмыс күні қалай өтті? Бұл мамандықты неге таңдап алды деген сауалдарды қойды. Балалар «Белая ночь» операциясы туралы сұрастырып, бұл акция неге сағат таңғы төрттен басталды деп сұрады. Жүргізушілер Мереке мен Милена Вера Саттаровнаның кітабынан сол кездегі тәлімгерлер мен пионерлердің естеліктері туралы үзінділер оқып берді. Бұл кездесуге келе алмаған Нариман Абильман Вера апайға аудио-сұрақ қойды. Бұл күні Вера Саттарованың оқушылары Ибраева Стелла Амангельдиевна және Голышева Марина Мельсовна тосын сый жасап, аудио-тілектер жолдады. Олар тәлімгерлік жұмыстың қыр-сырларымен бөлісіп, Вера Саттаровнаға жылы лебіздерін жолдады. Көшбасшылар болса өздерінің жетістіктері, жобалары мен оқиғалары, өздері ұйымдастырып отырған іс-шаралар туралы баяндады. Сонымен қатар олар Павлодар облысының балалар қозғалысын абыроймен жалғасытруға уәде берді. Кездесудің соныңда балалар Вера Саттаровнамен естелікке суретке түсіп, «Балалық шақтың құрметті азаматы» атты сертификатты табыс етті. Балалар болса бұл кездесуден алған тамаша әсерлерімен бөлісіп, күш-жігері мол Вера апай туралы пікірлерін білдіріп жатты.
|