Жаңа оқу жылының алғашқы педагогикалық кеңесі

Подробности

Категория: Техника мен ғылым бөлімі

Жарияланды: 30.11.-0001 05:00

Первый педагогический совет нового учебного года

Первый педагогический совет нового учебного года

2023 жылдың 13 қыркүйек күні Оқушылар сарайында «Білімді ұрпақ – білімді ел» тақырыбына педагогикалық кеңес өтті. 

Оқушылар сарайының басшысы Алма Ерубаева сандар мен фактілерге жүгініп өткен оқу жылын қортындылады. Алма Жұмабайқызы жаңа оқу жылының басым бағыттарын белгіледі, қосымша білім берудің заманауи тәсілдерін атап өтті, Оқушылар сарайының қызметінің негізгі үрдістері туралы айтты.
Педагогикалық кеңестің спикерлері заманауи тәжірибелерді пайдалану және қосымша білім беруде жалпыұлттық жобаларды іске асыру перспективаларын қарастырды.
Басшы орынбасары Жақсыбек Ешимкулов бейіндік оқыту жүйесі арқылы оқушылардың кәсіби траекториясын анықтау қабілеті мен зейінін қалыптастыру туралы айтып берді.
Ол Оқушылар сарайының танымал түлектер туралы айтып, Оқушылар сарайында он жылдан астам білім алған түлектерді атап өтіп, олардың болашақта мамандықтарын  осы жүрген студиялары бойынша таңдауды жалғастыратын тілге тиек етті.
Басшының орынбасары Ғалия Иманбекова «Төрт тоқсан – төрт өнер» ұлттық мәдени-ағартушылық жобаның тұжырымдамамен таныстырып өтті.
Әдістемелік бөлімнің меңгерушісі Баглан Ашенова Қазақстан Республикасының тұтас тәрбие бағдарламасын таныстырды. Тұжырымдама елдің өзіндік ерекшелігін нығайтуға және ұлттық құндылықтарға негізделген әділ қоғам құруға қабілетті білімді, адал, асыл ұрпақты тәрбиелеуге бағытталған.
Бағлан Ашенова Оқушылар сарайының іс-шаралары мен жобалары арқылы өскелең ұрпақты тәрбиелеу құндылықтарын қалай жүзеге асыруға болатынын айтып өтті. Педагогикалық кеңестің бірінші практикумында әр бөлімнің педагогтары біртұтас адамның барлық қасиеттеріне ие болашақ оқушының моделін жасады.
-    Ұлттық сәйкестендіру білім беру мен тәрбиелеу жүйесіндегі басым бағыт болып табылады. Оқушылар сарайының әрбір студиясы ұлттық тәрбие бағдарламасын орындауы тиіс. Бұл - халық мәдениетін, қазақ халқының салт-дәстүрлерін, рухани құндылықтарын дәріптеу, - деп атап өтті Оқушылар сарайының басшысы Алма Ерубаева.
Биылғы оқу жылында өткен педагогикалық кеңестің тәжірибелік бөлімі өте қызықты өткен болатын. Оқушылар сарайының әдіскері Айжан Оразбаева «Черноярская жемчужина» демалу орталығында Оқушылар сарайының ұжымы үшін қызықты тимбилдинг  ұйымдастырды.
Педагогтар денсаулық күнін өткізді, ұжымды біріктіру ойындарын ойнады, алдына қойылған мақсатты шешуді және командада жұмыс істеуді үйренді. Тимбилдинг бұл команда құру ойыны. Оқушылардың сарайдың әр мұғалімі бұндай ойын форманы өз сабақтарында қолдана алады. Бұл ойын командада әрекет ету қабілетін көрсетеді. Адамгершілік тәрбиесінде ашық ойындардың маңызы зор. Олар жолдастық ынтымақтастық, өзара көмек, бір-бірінің іс-әрекеті үшін жауапкершілік сезімін дамытады.