Біз әлеуметтік желідемізБейнежаңалықтарОқушылар сарайыОблако теговЖиі оқылатын ақпаратБіздің қатысулар14174122
Бүгін Ертең Осы жұмада Өткен жұмада Осы айда Өткен айда Барлық күндер 5722 3330 48240 13886214 5722 302882 14174122 Сіздің IP: 18.227.46.243
Уақыт: 2024-09-01 11:23:15
|
Астроклуб тәрбиеленушілері – Республикалық ғылыми жарыстың қатысушылары
18-26 сәуір аралығында Алматы қаласындағы «Бөбек» ұлттық ғылыми практикалық оқыту орталығының обсерваториясында астрономия және ғарыш физикасы бойынша республикалық ғылыми жарыстар өтті. Ғылыми жарыстар атақты қазақстандық астрофизик Түкен Биғалиұлы Омаровтың есіміне берілген болатын.
Қазылар алқасының құрамында В.Г.Фесенков атындағы астрофизика институтының, М. Х. Дулати атындағы Тараз аймақтық университетінің және Аль- Фараби атындағы Қазақ ұлттық университетінің танымал ғалымдары кірді. Қазылар алқасының бір мүшесі физика-математика ғылымдарының кандидаты Терещенко Владимир Михайлович кезінде танымал ғалым Түкен Омаровпен бірлесіп жұмыс атқарған болатын. Аталмыш жарыста Павлодар облысының құрамын М.Катаев атындағы Оқушылар сарайының «Антарес» астроклубының тәрбиеленушілері Манабаев Сарман, Мельниченко Богдан, Сибилев Кирилл, Браун Илья таныстырды. Бір апта ішінде жас астрономдар жарыстың барлық кезеңдеріне қатысып, турнирдің теориялық және практикалық есептерін шешіп, ғылыми-зерттеу жұмыстарымен ерекшеленді. Богдан Мельниченко мен Сарман Манабаевтың жұмыстары практикалық дағдыларды қолдануға арналған, бақылау астрономиясының ерекшеліктерін айқын көрсетті. Балалар Меркурий планетасы туралы бақылауларын ортаға салды. Бұл планета аз зерттелген, оны байқаудың көптеген қиындықтары бар, Күнге жақындығы көптеген кедергілерді туғызады. Астрономдардың жобасы 2-ші орынға ие болды. Илья Браун және Кирилл Сибилевтің жұмыстары 3-ші орынға жайғасты. Жоба спектрлерді зерттеумен байланысты. Исаак Ньютон, Густав Кирхгоф сияқты әйгілі ғалымдар бұл зертеулермен ерте кезден айналысқан болатын. Оқушылар спектрдің таңғажайып қасиеттері туралы, тіпті мектеп оқушылары оларды қалай зерттеп, талдай алатындығы туралы әңгімеледі. Наурыз айында «Бөбек» орталығының обсерваториясының негізінде өткен республикалық астропрактикумға қатысты. Дәрісті ғылыми жарыстардың қазылар алқасының құрамына енген Владимир Михайлович Терещенко, Нұрзада Әбдібекқызы Бейсен және тағы басқа атақты ғалымдар оқыды. |