Оқушылар сарайының тәрбиеленушілері «Тәуелсіздік ұланы» сыйлығының лауреаттары атанды

Подробности

Категория: Эстетика бөлім

Жарияланды: 24.10.2024 12:35

Воспитанники Дворца школьников стали лауреатами премии «Тәуелсіздік ұланы»

Воспитанники Дворца школьников стали лауреатами премии «Тәуелсіздік ұланы»

2024 жылдың 23 қазан күні Павлодар қаласында талантты және дарынды оқушыларға арналған «Тәуелсіздік ұланы» сыйлықақысын табыстау рәсімі өтті. Бұл іс-шара Республика күні қарсаңында ұйымдастырылып, төртінші жыл қатарынан өткізіліп отыр. Марапатқа қала мектептері мен колледж студенттері, сондай-ақ М.М. Катаев атындағы Оқушылар сарайының үш тәрбиеленушісі ие болды.

Питраков Богдан — халықаралық деңгейде танылған жас суретші
Салтанатты шарада М.М. Катаев атындағы Оқушылар сарайының «Палитра» бейнелеу өнері студиясының тәрбиеленушісі Петраков Богдан ерекше көзге түсті. Соңғы бес жыл бойы «Палитра» студиясының белсенді мүшесі болып табылатын Богдан бейнелеу өнері саласындағы жетістіктерімен халықаралық деңгейде танылды. Ол Новосибирск қаласында (Ресей) өткен «Біздің қиял әлемі» атты халықаралық конкурстың жүлдегері атанды. Сонымен қатар, «Бояулар құпиясы» және ЮНЕСКО аясында ұйымдастырылған «Құстардың әсем әні» атты республикалық конкурстардың жеңімпазы болды.
2023-2024 оқу жылында Богдан Республикалық энциклопедияға «Ел үміті» төс белгісіне лайықты деп танылды, бұл оның жоғары жетістіктерін және шығармашыл балалар арасындағы беделін айқындады. Сонымен қатар, Богдан оқу озаты ретінде де танылды, 2 және 3-сыныпта үлгілі оқу үлгерімі үшін мадақтама қағаздарын иеленді. Сондай-ақ, республикалық «Кенгуру» және «Ақбота» интеллектуалдық конкурстарында жеңімпаздар қатарында болды.
Ғылыми-зерттеу қызметі де Богданның мықты тұсы екенін дәлелдеді. Ол облыстық «Зерде» ғылыми жобалар байқауында үшінші орынды иеленді. Бұдан бөлек, ол «Жас қыран» және «Жас ұлан» ұйымдары аясында өткізілетін қоғамдық іс-шараларға белсене қатысып, облыстық «ЭКО BOOM» экологиялық конкурсында жүлделі орынға ие болды.

Наргиз Оразбаева — шығармашыл биші
Наргиз Оразбаева да «Тәуелсіздік ұланы» сыйлықақысына лайықты деп танылған тәрбиеленушілердің бірі. Ол «Вдохновение» үлгілі би ансамблі мен «Тұмар» эстрадалық вокал студиясының мүшесі ретінде көптеген байқаулар мен іс-шараларда белсенділік танытып, ән және би өнеріндегі жетістіктерімен көзге түсті.

Досов Санжар — робототехниканың болашақ ғалымы
Тағы бір дарынды жас — робототехника үйірмесінің тәрбиеленушісі Санжар Досов. Ол ғылыми-техникалық шығармашылықпен және оқу-зерттеу қызметімен айналысады. Санжар «Зерде» республикалық ғылыми жобалар мен зерттеу жұмыстары байқауының жеңімпазы атанып, өз саласында үлкен жетістіктерге қол жеткізді.

Бұл іс-шара жас дарындардың жетістіктерін құрметтеп, оларды ынталандыруға бағытталған маңызды қадам болды. Олардың әрқайсысы өз таланттары мен еңбектері арқылы болашақта еліміздің мақтанышына айналатындарына сенім мол.