Оқушылар сарайында «Қазақ елі» атты апталық өтті

Подробности

Категория: Көркемдік бөлімі

Жарияланды: 30.11.-0001 05:00

В Дворце школьников прошла неделя «Қазақ елі»

В Дворце школьников прошла неделя «Қазақ елі»

Оқушылар сарайында "Біртұтас тәрбие" бағдарламасы аясында елімізге деген патриоттық сезімді қалыптастырып, туған жерге деген мақтаныш сезімін нығайтуға бағытталған іс-шаралар тұрақты түрде өткізіліп келеді. Осы орайда, 22-31 қаңтар аралығында "Қазақ елі" атты апталық ұйымдастырылып, жас ұрпақты ұлттық құндылықтарды құрметтеуге және рухани мұраны бағалауға баулитын мазмұнды шаралар өтті.

Апталықтың ашылуын "Білімпаз" эстетикалық дамыту және тәрбие беру бөлімінің кішкентай бүлдіршіндері бастап, туған жер туралы өлеңдерін оқыды. Шара барысында қала мектептерінің оқушылары үшін "ОТАН – Үлкен жанұя", "Ұлы дала елі" квест-ойындары, "Көшпелі рухтың құндылықтары" этно-мәдени шеберлік алаңдары, ұлттық ойындар, қазақтың ұлттық киімдері дефилесі, "Туым менің ансаған" флешмобы ұйымдастырылды. Бұл іс-шаралар оқушылардың қызығушылығын арттырып, оларды ұлттық мәдениетпен терең танысуға жетеледі.
Оқушылар сарайының көркемөнер бөлімінің тәрбиеленушілері "Қазақ елі" концерттік бағдарламасын ұсынып, өз өнерлерін паш етті. Сонымен қатар, қатысушылар қазақтың ұлттық ойындарын ойнап, Қазақстанның табиғи байлығын танып, дәстүрлер мен әдет-ғұрыптардың ерекшеліктерін зерттеді. Балалар Қызыл кітапқа енген жануарлар мен өсімдіктер әлемімен танысып, ұлттық музыкалық аспаптардың сырлы әуенін тыңдады. Сондай-ақ, "Жас Ұлан" ұйымының тарихына және мемлекеттік рәміздерге арналған викторина ұйымдастырылды. Шараның қызықты сәттерінің бірі – петроглифтер арқылы құпия шифрды ашу болды.
Апталықтың соңында "Жас ұлан" және "Жас қыран" ұйымдарының қатысуымен "Менің туым" флешмобы өтті. Бұл маңызды шара жас ұрпақтың бойында патриоттық рухты оятып, бірлік пен болашаққа деген сенім ұялатты. "Қазақ елі" апталығы оқушылардың жүрегінде ұлттық мақтаныш сезімін күшейтіп, елімізге деген сүйіспеншілікті арттыруға ықпал етті.