Фоторепортаж «Наурызнама – 2024»
- Подробности
-
Категория: Көркемдік бөлімі
-
Жарияланды: 30.11.-0001 05:00
Фоторепортаж «Наурызнама – 2024»
|
Фоторепортаж «Наурызнама – 2024»
|
Ынтымақ ұялап, бірлік қонған Қазақ жеріне көктемнің жарқын мерекесі - Ұлыстың Ұлы күні - Наурыз мейрамы келді. Жыл өткен сайын Наурыз мейрамы елімізді мекендеген барлық халықтың, ұлт пен ұлыстың сағынып күтетін ортақ мерекесіне айналып, жаңа мазмұнмен, жарасымды сән-салтанатымен түрлене түсуде.
![Фоторепортаж «Наурызнама – 2024»](/images/stories/novosty/hudoj/2023-2024/2024.03.26_06.jpg)
![Фоторепортаж «Наурызнама – 2024»](/images/stories/novosty/hudoj/2023-2024/2024.03.26_10.jpg)
![Фоторепортаж «Наурызнама – 2024»](/images/stories/novosty/hudoj/2023-2024/2024.03.26_14.jpg)
М.М. Катаев атындағы Оқушылар сарайы мен Жастар бастамаларын дамыту орталығының ұйымдастыруымен «Наурызнама-2024» жастар алаңы жұмыс жасады.
«Наурызнама-2024» жастар алаңында мерекенің басты кейіпкерлері Қыдыр ата қонаққа келіп, наурыз ән-шашуы, Q-pop билер, этно-стильде дефиле өтті. Қазақ ертегілері бойынша косплей ұйымдастырылды. Қаланың білім беру ұйымдарының оқушылары кестелеген матадан жасалған 100 метрлік панно көздің жауын алды. «Art graffiti» алаңында граффити өнері арқылы жастар өздерінің қалаған суреттерін салса, «ТрендShop» алаңында жас кәсіпкерлер өз қолдарымен заманауи ұлттық бұйымдар жасап сатты.
Сонымен қатар, спорттық шаралар да жанкүйерлердің қызу қолдауымен тартысты өтті. Жастар мен мерекеге келген қонақтар қазақ халқының тарихын, рухы мен әдет-ғұрпын бейнелейтін түрлі ойындар ойнады. Жиналған жастар мен балалар арқан тартысып, асық ойнау, садақ ату мен қол күрестен білек күштерінің мықтылығын көрсетті.
Көпшіліктің айтуынша ең қызықты алаңдардың бірі «Ру-грим» болды. Бұл жерде әр қазақтың руы бойынша эмблемаларын аквагриммен жасады. Беттеріне ұлттық ою-өрнектер, қолдарында қынамен сурет салу бойынша шеберлік-сабақтар ұйымдастырылды.
Сондай-ақ, «Қызғалдақтар алаңында» мектепке дейінгі мекемелердің жасаған қызғалдақтар көрмесі өтті. «МобилTime» деп аталатын алаңда мобилография және блогерлік бойынша шеберлік-сабақ өткізілді. Мереке соңында балалар шеберлік-сабақта түсірілген блогтарын бірыңғай хэштег арқылы жариялады.
Түсініктемелер қосу