Қақпақтарды жинап, қайырымдылық жаса!

Подробности

Категория: Отдел науки и техники

Опубликовано 30.11.-0001 05:00

Собирайте крышки и творите добро!

Собирайте крышки и творите добро!

2023 жылдың 26 сәуір күні М.М. Катаев ат. Оқушылар сарайында «ЭКО boom» облыстық жобасы аясында «Жақсылық жаса» пластикалық қақпақтарды жинау науқаны өтті. Оқу жылы бойы Павлодар облысының оқушылары пластикалық қақпақтарды жинады.

Биыл акцияға облыстың 225 ауыл және қалалық мектептері қатысты. 3464 кг пластикалық қақпақтар жиналды. Бұл науқан үш мәселені шешеді: экологиялық-бірнеше тонна пластик қақпақтар қоқысқа түспейді; тәрбиелік - балалар табиғатты қорғауды ғана емес, қоршаған ортада қоғамда мейірімділікті де үйренеді; қаржылық – қымбат емді қажет ететін балаларға материалдық көмек болады.  
Пластмассаны сатудан түскен барлық қаражат қайырымдылыққа жұмсалады. Естеріңізге сала кетсек, өткен оқу жылында «Жақсылық жаса» акциясына Павлодар облысы мектептерінің 23986 оқушысы қатысты. Бұл науқанды облысымыздың 10 аудан және үш қаласының 185 мектебі қолдаған болатын. 2866 кг пластик қақпақ жиналып, қайта өңдеуге тапсырылды және 339270 теңге сомасына екі ауыр науқас балаға қайырымдылық көмек көрсетілді.
Биылғы жылы науқанға тек қана мектептер ғана емес,  Павлодар қаласының № 37 балалар бақшасы, Кенжекөл балалар отбасы үлгісіндегі ауылы,  «ПСД Строй-проект» ЖШС және Павлодар облысының барлық мейірімді жандары қатысты.
-Акцияның мақсаты-экологиялық мәдениет деңгейін арттыру, мұқтаж жандарға көмек көрсету арқылы оқушылардың өздерінің әлеуметтік маңыздылығын сезіну. Баршаңызға «Жақсылық жаса» акциясына қатысқаны үшін алғыс айтамыз! Акция жалғасуда. Қақпақтарды жинап, жақсылық жасаңыз! – деді жоба үйлестірушісі Айгерим Оразбаева.