«Заң және тәртіп» квест ойыны

Подробности

Категория: Методический отдел

Опубликовано 30.11.-0001 05:00

Квест игра «Закон и порядок»

Квест игра «Закон и порядок»

Бүгін «Заң және тәртіп» айлығы аясында М.М. Катаев атындағы Оқушылар сарайында «Заң және тәртіп» атты құқықтық интерактивті квест-ойын өтті.

Іс-шара Білім беру басқармасы, Оқушылар сарайы және Экономикалық тергеп-тексеру департаментінің бірлескен ұйымдастыруымен өткізілді.
Квест-ойынға қалалық мектептердің 10–11-сынып оқушылары қатысты.
Ойынның басты мақсаты – жасөспірімдердің құқықтық сауаттылығын арттыру, күнделікті өмірде және интернет кеңістігінде кездесуі мүмкін қауіп-қатерлерді танып-білуге үйрету, сондай-ақ алаяқтықтың алдын алу.
Квест он мазмұнды станциядан тұрды. Әр станцияда оқушылар өмірлік жағдаяттарды талдап, қауіпсіздік талаптары мен заңнамаға сай шешім қабылдады. Қатысушылар күмәнді хабарламаларды тануды, жалған ақпаратты ажыратуды, алаяқтық белгілерін анықтауды және оның салдарын түсінуді үйренді.
— Ойын барысында алаяқтықтың түрлі түрлері қарастырылды: жалған жеткізу туралы хабарламалар, банк деректерін сұрату, әлеуметтік желілердегі фейк аккаунттар, «жылдам табыс» уәделері және заңсыз қаржылық операцияларға тарту. Квесттің интерактивті форматы оқушылардың сыни ойлауын дамытуға, жауапкершілік пен сақтық мәдениетін қалыптастыруға ықпал етті. «Заңды білу – қорған, саналы болу – қалқан» қағидатын жеткізген бұл іс-шара жасөспірімдер үшін маңызды практикалық алаңға айналды, – деп атап өтті Оқушылар сарайының педагог-ұйымдастырушысы Алёна Шияненко.
ЖЕҢІМПАЗДАР
I орын – А. Байтұрсынұлы атындағы мектеп
II орын – А. Шамкенов атындағы мектеп
III орын – №47 мектеп
НОМИНАЦИЯЛАР
«IT-қорғаушылар» номинациясы – №35 мектеп
«Ашықтық сақшылары» номинациясы – №7 мектеп
«Кибер-детективтер» номинациясы – №43 мектеп
«Құқық тәртібінің сақшылары» номинациясы – Б. Момышұлы атындағы мектеп
«Заңдылық қорғаушылары» номинациясы – №27 мектеп 
«Қаржылық бақылау шеберлері» номинациясы – №11 мектеп
«Көлеңкелі айналымға қарсы күрескерлер» номинациясы – №24 мектеп
«Қаржылық қауіпсіздік агенттері» номинациясы – №39 мектеп