«Менің отбасым – менің байлығым»

Подробности

Категория: Методический отдел

Опубликовано 30.11.-0001 05:00

«Моя семья – моё богатство»

«Моя семья – моё богатство»

М.М.Катаев атындағы Оқушылар сарайында «Family day» облыстық жобасы аясында «Менің отбасым – менің байлығым» атты байқау өтті. Аталмыш шараға  аудандық және қалалық кезеңдердің жеңімпаздары және олардың ата-аналары қатысты.

Қатысушылар «Біздің отбасымыз: отбасылық дәстүрлер қоржыны» бөлімінде өз отбасыларының салт-дәстүрлерімен бөлісті. «Аспаздық құпиялар» бөлімінде қатысушылар атадан балаға тарап келе жатқан тағам түрлерінің дайындалу жолдарын көрсетіп, дәмді бәліштерін жасады. Қазақстан халықтарының отбасылық дәстүрлері мен әдет-ғұрыптарын білуге арналған отбасылық викторина «IQ қазан» бөлімінде болды.
-Қазақ халқы ата-бабаларынан мирас болып қалған әдет-ғұрыптарды қастерлейді. Бұл байқаудың мақсаты отбасындағы қарым-қатынастарды нығайту, балалар мен ата-аналардың уақыттарын бірге өткізу, отбасы ішіндегі дәстүрлерді қалыптастыру, - дейді жоба үйлестірушісі Бахыт Аралбаева.
Байқау қорытындысы бойынша бас жүлдені Аққулы ауданы Жамбыл мектебінің    оқушысы Болатхан Азамат иеленді. Павлодар қаласының «№7 арнайы мектеп-интернатының» оқушысы Амангелді Шарипбеков, Май ауданы    Майтүбек мектебінің оқушысы Асанали Тоғамбеков,  Успен ауданы М.Мәметова ат. мектептің оқушысы Қайролланың отбасы 1 орынға ие болды.  
2 орынға «№7 арнайы мектеп-интернатының» оқушысы  Рунара Абдулова, Екібастұз қаласы № 16 мектептің оқушысы Жамиля Бектен және Железин ауданының №2 мектебінің оқушысы Дильназ Камзина ие болды.
3 орынға Павлодар қ.  № 4 арнайы мектеп-интернатының тәрбиеленушісі Ақан Тілектес және Ертіс ауданы     Абай мектебінің оқушылары Дильфуза Акмурзаева мен Жайна Макулбекова ие болды.