«Анастасия» клубының жеңістері

Подробности

Категория: Художественный отдел

Опубликовано 05.04.2016 18:27

«Анастасия» покоряет города

«Анастасия» покоряет города

Оқушылар сарайының «Анастасия» би-спорттық клубы Астана қаласында өткен «Казахстан OPEN CUP 2016» атты халықаралық турнирден жеңіспен оралды. Бұл би сайысы Астана қаласында 26-27 наурыз күні Тәуелсіздік Сарайында өтті.

Бишілер Елорда төрінен 2 кубок,11 алтын медаль, 11 бірінші орын, 8 екінші орын және 2 үш орынды иеленіп, қоржындарына байлады. Бұл клубтың бапкері Виолетта Никитина би жарыстарынан жеткен жетістіктерімен бізбен бөлісті.

- Виолетта Александровна, сіздің би ұжымыңыз әрқашан халықаралық, республикалық, облыстық спорттық-би жарыстарына қатысып жеңістермен оралады. Сіз конкурсқа ерекше билерді дайындайсыз ба? Әлде би әлеміне қатысты сырларыңыз бар ма?  

- Спорттық балдық би өнерінде 2 бағдарлама бар.Ол дегеніміз - Еуропалық және Латиноамерикандық, олар 5 қатал би тәртібінен құралады. Әрбір биде өз мәнері бар және баланың жас ерекшеліктерін ескереді. Осыдан би бағдарламасы құралады – ең кішкентайлар 2 би билесе, ал ересектер тобы 5 би билейді, би бапкерлері ерекше би сюжетін ұйымдастырып, бұдан екі билеуші адамның ішкі жан дүниесі ашылады. Міне содан соң ғана, жүлделі орындарға қол жеткізуге болады.

«Анастасия» покоряет города

«Анастасия» покоряет города

- 2015-2016 оқу жылдарында өнерлеріңізді паш ету үшін жер шарының қай жерлеріне бардыңыздар?

- Бұл оқу жылы өте табысты басталып, жемісті жалғасын табуда. Қазан айында - Турция, қарашада – Қарағанды қаласы, желтоқсан айында – Петропавловск, қаңтарда – Астана, ақпанда – Семей, наурыз айында – Мәскеу мен Астана (Қазақстанның ашық кубогі), сәуір айында қаламызда өтетін  «Кең Дала» дәстүрлі жарысына қатысамыз деп жоспарлап отырмыз, мамыр айында – Астана қаласында өтетін «Silk Way» сайысына, ал маусым айында Болгария еліне шақыру алдық.  

- Ал наурыз айында «Би тарихы» атты турнирінде Мәскеу көрермендерін немен таңқалдырыңыз?

- Мәскеу қаласында өткен «Би тарихы - 2016» атты халықаралық сайысында Анастасия Загорулько және оның серіктесі Даниил Макаров 70 би ұжымдарының арасында (12 орынға) қол жеткізіп,  финалдың  ¼ бөлігіне жетті. Бұл өте үлкен жетістік. Анастасия мен Даниил жұптасып екінші жыл ғана би билейді.  Латиноамерикан билері арасында  «Ересектер» категориясында Қазақстанның Чемпиондары атанды.

- Өз тәрбиелеушілеріңізді  сайыстарға дайындаумен қатар, сіз турнирлерде қазылар алқасы боласыз. Қазылар алқасы ретінде бағалаудың арнайы критерилері бар ма?

- Иә, мен тек қана бапкер емеспін сонымен қатар, халықаралық санаттағы төрешімін. Әрине, критерилер бар. Төрешінің ең бірінші критериі – музыкалық, екіншісі – пішіннің түзу болуы, үшінші – аяқтың дұрыс қойылуы, сонымен қатар – бірізділік пен жұппен билеуде техниканың дұрыс жасалуы.

- Фестиваль мен сайыстарға қатысу сіздерге жеңістен басқа несімен қызық?

- Әрбір конкурсқа қатысу біз үшін – қызықты адамдармен кездесу, би саласында жүрген әріптестермен тіл табысу.

- Қызықты сұхбатыңыз үшін рахмет. Сіздерге  шығармашылық табыс, биік белестер тілейміз.