Павлодарда 2026 жылғы қосымша білім берудің үздік ұйымы анықталды

Подробности

Категория: Методический отдел

Опубликовано 30.11.-0001 05:00

В Павлодаре определили лучшую организацию дополнительного образования — 2026

В Павлодаре определили лучшую организацию дополнительного образования — 2026

М.М. Катаев атындағы Оқушылар сарайында «Қосымша білім берудің үздік ұйымы — 2026» облыстық байқауының финалы өтті.

Бұл маңызды шара өңір педагогтерінің кәсіби жетістіктерін мойындауға, тәжірибе алмасуға және үздік педагогикалық тәжірибелерді таныстыруға арналған нағыз кәсіби алаңға айналды.
Финалға апарар жол наурыз айында басталып, бірнеше кезеңнен тұрды. Алғашқы кезеңде қатысушылар өздерінің даму бағдарламалары мен инновациялық жобаларын онлайн форматта ұсынды. Сарапшылар әр жұмысты мұқият қарап, қосымша білім беруді ұйымдастырудағы жүйелілік, жаңашылдық және тиімділік деңгейін бағалады.

- «Финалдық кезең — байқаудың шарықтау шегі болды. Командалар соңғы екі жылдағы жетістіктерін көрсететін әсерлі бейнепрезентациялар, шығармашылық визиткалар және сахналық қойылымдар ұсынды. Әрбір қойылым — бұл даму, еңбек және білім беру ісіне адалдықтың көрінісі», — деді байқау ұйымдастырушысы Айнұр Альханова.
БАЙҚАУ ҚОРЫТЫНДЫСЫ:
ГРАН-ПРИ — «Ертіс балалар өнер мектебі», Ертіс ауданы
І ОРЫН — «Ақтоғай өнер мектебі», Ақтоғай ауданы
ІІ ОРЫН —  «Майқайың өнер мектебі», Баянауыл ауданы,   «Радуга» мектептен тыс жұмыс орталығы, Шарбақты ауданы
ІІІ ОРЫН —  Балалар шығармашылығы және демалыс орталығы, Ертіс ауданы,  «Жігер» балалар-жасөспірімдер шығармашылығы орталығы, Павлодар қаласы
Байқау тек жарыс қана емес, кәсіби дамудың, шабыт пен үздік тәжірибелер алмасудың кеңістігіне айналды. Қатысқан әрбір ұйым — бұл табысқа жеткен жеке тарих, білім беру жүйесін дамытуға қосылған үлес және балалардың талантын ашуға жасалған мүмкіндік.
Финалистер жоғары кәсіби шеберлікті, заманауи оқыту тәсілдерін және командалық бірлікті көрсетті. Олардың тәжірибесі бүгінде Павлодар облысының қосымша білім беру саласының жаңа даму бағыттарын айқындап отыр.