Әнуар Дүйсенбиевтің туған күні

Подробности

Категория: Әдістемелік бөлімі

Жарияланды: 30.11.-0001 05:00

День рождения писателя Ануарбека Дуйсенбиева

2021 жылдың 20 қазан күні Оқушылар сарайында қазақ балалар әдебиетінің көрнекті өкілі, ақын, аудармашы балаларға арналған прозалық шығармалардың авторы, журналист Әнуарбек Дүйсенбиевке арналған әдеби кеш болып өтті.

Ұйымдастырушы педагог Замзагул Айтыбаеваның бастамасымен ZOOM платформасында өткен әдеби кешке Павлодар облысының қала және аудан мектептерінің оқушылары қатысты.
Әдеби кештің құрметті қонағы Сүлеймен Баязитов атындағы облыстық балалар оқу орталығының кітапханашысы Әсем Асқарова. Ол ақынның кітаптарына тоқталып, өмірбаянын айтып берді.
Іс-шара қазақ балалар әдебиетінің көрнекті өкілі Әнуарбек Дүйсенбиев туралы қысқа метражды фильмін көрсетуден басталды. №19 мектептің 2 «ә» сынып оқушылары, олардың жетекшілері Кенжегүл Балтабаева ақын аталарының «Құтты болсын Жаңа жыл», «Атай» «Ақ мамам», «Не деу керек», «Дос» өлеңдерін нақышына келтіріп жатқа айтып берді. Балалар ақынының қаламынан туындаған туындылардың арасында деңгейі төмені жоқ. Аса талантты жазушының барлық шығармасын әр оқырман құмарта оқиды. Әсіресе, балалар үшін тәрбиелік мәні зор. Кеш соңында балалар «Ақ мамам» өлеңін орындады.
-Ақынның қай өлеңін алсаңда майда, тілі жатық, ұйқастығы шебер болғандықтан да жаттауға тез. Оның шығармалары оқиға желiсiнiң шынайылығымен, тiлiнiң көркем де өрнектiлiгiмен, кейiпкерлерiнiң биiк адамгершiлiк қасиеттерiмен ерекшеленіп тұрады, – деп өз ойымен бөлісті кеш ұйымдастырушысы Замзагул Айтыбаева.