«Театрдың ғажайып әлемі» фестиваль-конкурсы

Подробности

Категория: Художественный отдел

Опубликовано 25.09.2020 14:57

Фестиваль-конкурс «Театрдың ғажайып әлемі»

Фестиваль-конкурс «Театрдың ғажайып әлемі»

2020 жылдың 21 қыркүйек күні М.М. Катаев атындағы Оқушылар сарайында қазақ ақыны, философ, композитор, ағартушы, ойшыл Абай Құнанбаевтың 175 жылдығына арналған «Театрдың ғажайып әлемі» атты  республикалық театр өнері фестиваль-конкурсының қашықтықтан облыстық кезеңі өтті. Фестивальға Павлодар қаласының аудандары мен мектептерінен 13 балалар театр ұжымдары қатысты.

Байқау драмалық қойылым, музыкалық қойылым, әдеби-музыкалық композиция, қуыршақ қойылымы атты номинациялар бойынша өтті. Театр ұжымдары Абай Құнанбаевтың қазақ немесе орыс тілінде әдеби шығармаларынан сахыналық қойылымдарды ортаға салды. Жас өнерпаздарды Ж.Аймауытов атындағы музыкалық-драма театрының актерлері бағалады.

Бас жүлдені М.М.Катаев атындағы Оқушылар сарайының «Амплуа» шығармашылық студиясы иеленді.

1 орынды «Драмалық спектакль» номинациясы бойынша Тереңкөл ауданының Оқушылар үйі, «Әдеби-музыкалық» номинациясы бойынша Шарбақты ауданы «Радуга» орталығының «Жас талант» студиясы иеленді.

2 орынды «Әдеби-музыкалық спектакль» номинациясы бойынша Павлодар қаласының №28 ЖОМ-нің «Домовята» театр шеберханасы, «Драмалық спектакль» номинациясы бойынша Аққулы ауданының Уахатов атындағы ЖОМ-нің «Сахна әлемі» ұжымы, «Қуыршақтар спектаклі» номинациясы бойынша Аққулы ауданының Жамбыл ЖОМ иеленді.

3 орынды «Әдеби-музыкалық спектакль» номинациясы бойынша Ақсу қаласының балалар шығармашылық үйінің «Сөз ойдың айнасы» атты үйірмесінің актерлері иеленді.

Қазылар алқасы келесі номинациялар бойынша жеңімпаздарды анықтады:
«Үздік сахыналық костюм» - Тереңкөл ауданының Оқушылар үйі,
«Үздік әйел рөлі» - Кошматова Балнұр, М.М. Катаев атындағы Оқушылар сарайы,
«Үздік ер адам рөлі » - Жұртбай Абай, Шарбақты ауданы, «Радуга» орталығы,
«Екінші жоспардың үздік рөлі» - Май ауданы, Аудандық оқушылар сарайы,
«Көркем сөз» - Ақсу қаласы, Балалар шығармашылық үйі,
«Үздік орындаушылық өнер» - Павлодар қаласы, №16 ЖОМ.

М.М.Катаев атындағы Оқушылар сарайының «Амплуа» шығармашылық студиясы «Театрдың ғажайып әлемі» Республикалық театр өнерінің фестиваль-конкурсында Павлодар облысының намысын қорғайды.