|
|
|
30 қазан күні М. Катаев атындағы Оқушылар сарайында Павлодар облысының қосымша білім беру әдіскерлері мен педагогтарын біріктірген «Педагогикалық дағдылард шеберханасы: білім негіздерінен заманауи трендтер мен технологияларға дейін» атты облыстық семинар-практикум өтті.

Қатысушылар нағыз педагогикалық шеберлікпен танысып, шығармашылық, инновация және кәсіби шабыт атмосферасына енді.
Семинар барысында олар:
• әдістемелік қызметті дамытудағы әдіскерлердің шығармашылық топтарының рөлі туралы талқылады;
• цифрлық және ойын технологияларын енгізу бойынша шеберлік сабақтарына қатысты;
• «Адал Азамат» бағдарламасының құндылықтарын талдады;
• жасанды интеллект, soft skills және дизайн-ойлау тәсілдері жаңа буын педагогын қалыптастыруға қалай ықпал ететінін ашып білді.
– Семинар тәжірибе, идея және шабыт алмасу алаңына айналды –
дәстүр мен инновация түйіскен, білім берудің жаңа сапасы туындайтын кеңістік болды. Бұл шара болашақ педагогикасының дәл осында – тірі қарым-қатынаста, тәжірибе алмасуда және балалармен бірге дамуға ұмтылыста басталатынын көрсетті, – деп атап өтті семинар ұйымдастырушысы, М. Катаев атындағы Оқушылар сарайының әдіскері,
Павлодар облысының қосымша білім беру үйлестірушісі Айнура Альханова.