«Бастау Fest» балалар-жасөспірімдер фестивалі
- Подробности
- Категория: Көркемдік бөлімі
- Жарияланды: 30.11.-0001 05:00
|
|
2023 жылдың 15 желтоқсан күні М.М.Катаев ат. Оқушылар сарайында Павлодар облысында жалпы білім беретін мектептердің оқушылары мен колледж студенттері арасында «Бастау Fest» балалар – жасөспірімдер шығармашылығының облыстық жоба-фестивалі жұмысы өз мәресіне жетті.
«Бастау Fest» балалар-жасөспірімдер шығармашылығы фестивалі екі бағытты қамтиды:
-облыс мектептерінің оқушылары үшін – «Жас өркен» балалар шығармашылығы фестивалі.
-облыс колледждерінің студенттері үшін – «Өрен» студент жастардың шығармашылық фестивалі.
15 желтоқсанда «Бастау Fest» балалар-жасөспірімдер шығармашылығы фестивалі аясында барлық облыстық байқаулардың педагогтары мен жетекшілерін марапаттау рәсімімен гала – концерт өтті.
Гала-концертке көрме қойылымдары мен оқушылар Сарайының шығармашылық ұжымдары қатысты. Фестиваль және марапаттау рәсімі келесі номинациялар бойынша өткізілді:
«Алтын микрофон» вокал шеберлігінің конкурсы;
«Ғажайып жұлдыздар» би конкурсы;
«Күй шебері» шебер күйші;
«Театр – Шығармашылық – Талант» театр өнерінің конкурсы;
«RekGo» медиажобалардың конкурсы;
«Open Mic» Stand Up конкурсы;
«Прогрессив - FOLK» конкрусы (кез келген музыкалық аспапта ойнау);
«Пабликино» әлеуметтік роликтер конкурсы.
-Жобаны іске асыру мерзімі 2023 жылғы сәуір – желтоқсан айлар аралығында өтті. Жалпы жобаға 500-ден астам облыс оқушылары қатысты. Фестивальдің мақсаты оқушылар мен жастардың сабақтан тыс жұмыстарда жұмыспен қамтылуына жағдай жасау, кәмелетке толмағандар арасындағы құқық бұзушылықтардың алдын алу, белсенді азаматтық ұстанымды қалыптастыру, шығармашылық әлеует пен орындаушылық шеберлікті қолдау және дамыту болып табылады, - деді көркем тәрбие беру бөлімінің меңгерушісі Жанар Калтаева.